اسلام آباد،24 اپریل(اے پی پی):محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم خشک اور جنوبی علاقوں میں گرم رہے گا تاہم شام/رات میں جنوب مغربی بلوچستان، کشمیر اور بالائی خیبر پختونخوا میں آندھی/جھکڑ چلنے اور گرج چمک کے ساتھ بارش کا امکان ہے۔
گزشتہ چوبیس گھنٹوں کے دوران ملک کے بیشتر علاقوں میں موسم خشک جبکہ جنوبی علاقوں میں گرم رہا تاہم کشمیر ، شمال مشرقی پنجاب اوربالائی خیبرپختونخوا میں چند مقامات پر تیز ہواوٴں اور گرج چمک کے ساتھ بارش ہوئی۔
سب سے زیادہ بارش کشمیر میں راولاکوٹ 36، کوٹلی 01۔خیبرپختونخوا میں کاکول 01۔ پنجاب میں لاہور (ایئرپورٹ 04، سٹی 01) ، اسلام آباد ( بوکرا ) میں 02ملی میٹر بارش ریکارڈ ہوئی۔
گزشتہ روز ریکارڈ کیے گئے زیادہ سے زیادہ درجہ حرارت کے مطابق شہید بینظیر آباد 42، چھور، دادو اور جیکب آباد میں41 ڈگری سینٹی گریڈ ریکارڈ کیا گیا۔
