سکھر۔ 03 مئی (اے پی پی):اسسٹنٹ کمشنر سکھرثوبیہ فلک راؤ نے مختلف امتحانی مراکز کا دورہ کیا اور 50 سے زائد موبائل فونز بر آمد کر کے نقل کرنے والے طلبہ کے پیپرز بھی ضبط کرلئے ۔
سکھر تعلیمی بورڈ کے زیر انتظام نویں اور دسویں جماعت کے سالانہ امتحانات جاری ہیں ۔ بورڈ امتحانات میں نقل کی روک تھام کے لئے مختلف ٹیمیں امتحانی مراكز پر چھاپے مار رہی ہیں ۔ اسسٹنٹ کمشنر سکھر نے گورنمنٹ (P) میونسپل گرلز ہائی سکول سکھر اور گورنمنٹ ہائی سکول کے دورے کئے ۔ دورے کے دوران تمام کلاسز میں امتحانی عمل کا جائزہ لیاگیا۔
انہوں نے دوران چیکنگ طلبہ کو کہا کہ موبائل فونز اور نقل سے پیپرز حل کرنا کوئی اچھی بات نہیں اور یہ غیر قانونی عمل ہے ، اگر کسی کے پاس موبائل فون ہے تو وہ خود سے جمع کروادیں ، امتحانی مراکز میں موبائل فونز لے کر آنا منع ہے۔ انہوں نے کہا کہ وہ روزانہ سرپرائز وزٹ کریں گی اور موبائل فونز کی برآمدی کی صورت میں فون ضبط کرلیا جائے گا اور پرچہ منسوخ کر دیا جائے گا۔انہوں نے کہا کہ تعلیمی اداروں میں قائم مراکز میں امتحانی عمل شفاف رکھنا ترجیح ہے ۔
