لاہور،7 مئی( اے پی پی ): وزیراعلیٰ پنجاب مریم نوازشریف کی زیر صدارت اجلاس ہوا۔اجلاس میں وزیر اعلیٰ پنجاب کو پنجاب سنٹرل بزنس ڈسٹرکٹ اتھارٹی کے پراجیکٹس سے متعلق تفصیلی بریفنگ دی گئی۔
وزیر اعلیٰ پنجاب نے آئی ٹی سٹی کے لئے چین، جنوبی کوریا اور سعودی عربین کمپنیوں سے ڈیل فائنل کرنے کی ہدایت کی اور سی بی ڈی پراجیکٹ پر سال بہ سال ٹارگٹ مکمل کرنے اور پیش رفت کی رپورٹ پیش کرنے کی بھی ہدایت دی۔
اجلاس میں پنجاب کے آٹھ شہروں میں سی بی ڈی بزنس سنٹرز قائم کرنے پر اتفاق کیا گیا سیالکوٹ میں سٹی آف سپورٹس قائم کرنے کی تجویز، سٹیڈیم بھی بنایا جائے گا۔اجلاس میں پنجاب میں رئیل اسٹیٹ انویسٹمنٹ ٹرسٹ کے قیام کے لئے قانون سازی کا فیصلہ کیا گیا اور آئی ٹی سٹی میں سلیکون کلسٹرپر پیشرفت کا جائزہ لیا گیا۔
لاہورکلمہ چوک پر سی بی ڈی گرینڈ سنٹرل سٹیشن قائم ہوگا۔وزیر اعلیٰ مریم نواز شریف کو فیروز پور روڈ پر گرینڈ سوک لاہور کے قیام کے بارے میں تفصیلی بریفنگ دی گئی جس میں بتایا گیا کہ گرینڈ سوک میں 600 شاپس اور ریسٹورنٹس قائم ہوں گےسی بی ڈی مین بلیوارڈپر ماحول دوست بلیو روڈز بنائے گی۔ سی بی ڈی کے چیف ایگزیکٹو آفیسر عمران امین نے قائد ڈسٹرکٹ، باب ڈسٹرکٹ اور پنڈی ڈسٹرکٹ کے بارے میں جائزہ رپورٹ پیش کی۔
اجلاس میں سینیٹر پرویز رشید، سینئرصوبائی وزیرمریم اورنگزیب، صوبائی وزیر اطلاعات و ثقافت عظمیٰ زاہد بخاری، ایم پی اے ثانیہ عاشق، معاون خصوصی ذیشان ملک، چیف سیکرٹری، چیئرمین پی اینڈ ڈی، سی او او بریگیڈئرمنصور جنجوعہ، سیکرٹری فنانس، پرنسپل سیکرٹری اور دیگر حکام موجود تھے۔
