ملتان،10 مئی (اے پی پی):مریم خان کمشنر ملتان نے کہا ہےویل چیئر معذور افراد کی زندگی کو بہتر بنانے کے لیے بہت اہم ہے اور کہالوکل سطح پر ویل چیئر کا بننا بہت خوش آئند ہے۔
ان خیالات کا اظہار انہوں نے سوسائٹی فار سپیشل پرسنز،چرچ آف جیسس کرائسٹ کے زیر اہتمام تقریب تقسیم وہیل چیئرز سے خطاب کرتے ہوئے کیا۔
مریم خان نے کہا سرکاری و پبلک مقامات تک معذور افراد کی سہل اور یکساں رسائی ممکن بنانے کیلئے اقدامات کئے جائیں گے کیونکہ معذور افراد بھی دیگر افراد کی طرح مواقع کے مستحق ہیں۔
چیئر پرسن سوسائٹی فار سپیشل پرسنز زاہدہ قریشی نے کہا پاکستان کی 15 فیصد آبادی افراد باہم معذوری پر مشتمل ہے اور کہا ویل چئیرز کیلئے چرچ آف جیسس کرائسٹ ایل ڈی ایس اور مخیر حضرات کا تعاون حاصل ہے اور کہا معذور افراد نے ہی وہیل چیئرز بنائیں، ان کو روزگار ملا اور دوسرے معذور افراد کو ویل چئیرز ملیں ۔ زاہدہ قریشی نے کہا کہ دوسرے مرحلے میں معذور بچوں کو ویل چئیرز فراہم کی جائیں گی اور کہا کسٹمائزڈ وئیل چئیرز افراد باہم معذوری کیلئے ناگزیر ہیں اور کہا وہیل چیئرز نہ ملنے گی وجہ سے معذور افراد کو زمین پر خود گھسیٹنا پڑتا ہے، جس سے انفیکشن ہوجاتا ہے اس وقت تک ہمارا ادارہ پانچ ہزار سے زیادہ ویل چیئر بنا کر تقسیم کر چکا ہے اور کہا اس تقریب میں 500 ویل چئیرز تقسیم کی گئی ہیں ، اس موقع پر ویل چیئر مینوفیکچرر میں سرٹیفیکیٹ تقسیم جبکہ سپانسرز کو ملتانی اجرک پہنائی گئی۔
