اسلام آباد،14 مئی(اے پی پی): محکمہ موسمیات کے مطابق ملک کےبیشتر علاقوں میں موسم گرم اور خشک جبکہ وسطی اورجنوبی علاقوں میں دن کے درجہ حرارت میں بتدریج اضافے کا امکان ہے۔
بدھ کے روز ملک کےبیشتر علاقوں میں موسم گرم اور خشک جبکہ وسطی اورجنوبی علاقوں میں شدید گرم رہے گا۔
گزشتہ چوبیس گھنٹوں کے دوران ملک کے بیشتر علاقوں میں موسم گرم اورخشک جبکہ جنوبی علاقوں میں شدید گرم رہا۔
گزشتہ روز ریکارڈ کیے گئے زیادہ سے زیادہ درجہ حرارت کے مطابق تربت، جیکب آباد 45،روہڑی اورخیر پور میں 44ڈگری سینٹی ریکارڈ کیا گیا۔
