کوئٹہ، 20 مئی(اے پی پی):صوبائی وزیرداخلہ میرضیاء اللہ لانگو کی کوئٹہ میں قائم ایرانی قونصلیٹ آمد وزیرداخلہ بلوچستان نے ایران کے صدر ابراہیم رئیسی اور ان کے رفقا کے انتقال پر فاتحہ خوانی اور تعزیت کی ۔
وزیرداخلہ نے ڈپٹی قونصل جنرل ایران سید مہدی شائقی سے ایران کے صدر اور ان کے رفقا کے انتقال پر دکھ اور افسوس کا اظہار کیا وزیرداخلہ میرضیاء اللہ لانگو نے کہا کہ غم اور آزمائش کی اس گھڑی میں ہم ایران اور اس کے عوام کے ساتھ کھڑے ہیں ابراہیم رئیسی امت مسلمہ کے اتحاد کے بڑے حامی تھے،ایران کے صدر ابراہیم رئیسی فلسطینی اور کشمیری عوام سمیت تمام مسلمانوں کا درد رکھتے تھے۔
وزیرداخلہ بلوچستان میر ضیاء اللہ لانگو نے ایرانی قونصلیٹ کے رجسٹرر میں اپنے تاثرات بھی درج کئے،اس موقع پر رکن بلوچستان اسمبلی میر زابد ریکی بھی موجود تھے۔
