اسلام آباد،25 مئی (اے پی پی): پاکستان کرکٹ بورڈ کے چیئرمین محسن نقوی نے ڈومیسٹک کرکٹرز کے لیے کھیلنے اور آمدن کے زیادہ مواقع فراہم کرنے کے ساتھ ساتھ کرکٹ کے معیار میں اضافے کی ضرورت پر زور دیا ہے۔
پی سی بی کے چیئرمین محسن نقوی کی صدارت میں 2024-25 کے ڈومیسٹک کرکٹ ڈھانچے اور پی ایس ایل گورننگ کونسل کے اہم اجلاس منعقد ہوا۔محسن نقوی نے ڈومیسٹک کرکٹ ڈپارٹمنٹ کو ہدایت کہ وہ ایونٹس کا ایک مسابقتی شیڈول تیار کرکے پیش کریں جو بین الاقوامی کرکٹ کے ساتھ خلا کو ُپر کرنے میں مدد کر سکے۔محسن نقوی کی جانب سے 2024-25 کے ڈومیسٹک کرکٹ کیلنڈر میں اضافی ٹی ٹوئنٹی، پچاس اوورز اور چار روزہ ایونٹس شروع کرنے کی خواہش کا اظہار کیا۔انہوں نے کہا کہ میں چاہتا ہوں کہ پروفیشنل کرکٹرز سال بھر مصروف رہیں تاکہ وہ بہتری لاتے رہیں اور قومی ڈیوٹی کے لیے ضرورت پڑنے پر وہ اپنی بہترین شکل میں ہوں۔
چیئرمین پی سی بی محسن نقوی نے کہا کہ ایک مضبوط اور مسابقتی ڈومیسٹک کرکٹ ڈھانچہ کھلاڑیوں کے ُپول کو بڑھانے میں مدد کرے گا جس سے پاکستان کرکٹ ٹیم کو فائدہ ہوگا،انہوں نے کہا کہ 2024-25 کا ڈومیسٹک کرکٹ سیزن ستمبر میں شروع ہونے کی امید ہے۔
دوسری جانب پی ایس ایل گورننگ کونسل کے اجلاس میں محسن نقوی نے فرنچائز مالکان کو مکمل تعاون کی یقین دہانی کرائی اور کہا کہ میں آپ کو فرنچائز کے مالکان کے طور پر بڑھتا اور پھلتا پھولتا دیکھنا چاہتا ہوں، میں آپ کے مقاصد کے حصول کے لیے آپ کی مدد کروں گا۔
فرنچائز مالکان نے کہا کہ ایچ بی ایل پی ایس ایل پاکستان کرکٹ کے تاج میں ایک زیور ہے اور ہم پی سی بی کے تعاون سے اسے مسلسل ترقی کرتا دیکھنا چاہتے ہیں۔
2026 میں ایچ بی ایل پی ایس ایل میں ٹیموں کی تعداد چھ سے بڑھا کر آٹھ کرنے کے بارے میں تبادلہ خیال، مزید بات چیت آئندہ ماہ ہوگی جبکہ پی سی بی کی جانب سے ایچ بی ایل پی ایس ایل 2025 کے لیے 7 اپریل سے 20 مئی تک ونڈو کی تجویز ، مزید بات چیت اگلے ماہ ہوگی۔
