لاہور،3جون (اے پی پی):وزیراعلیٰ پنجاب مریم نواز نے بجلی چوروں کے خلاف کریک ڈائون تیز کرنے کاحکم دیا ہے اور بجلی چوری سے متعلق مزید مستند ڈیٹا پر مبنی جامع رپورٹ طلب کر لی ہے۔
وزیر اعلی کی زیر صدارت خصوصی اجلاس منعقد ہوا، جس میں پنجاب میں بجلی چوری سے متعلق امور اور کارروائی کاجائزہ لیا گیا۔اجلاس میں لیسکو سمیت پانچ بجلی تقسیم کار کمپنیوں سے متعلق رپورٹ پیش کی گئی۔ چیف سیکرٹری اورآئی جی پنجاب نے بجلی چوروں کے خلاف کریک ڈائون سے آگاہ کیا۔
بریفنگ میں بتایا گیا کہ ہر ضلع میں 660پولیس اہلکار بجلی چوروں کے خلاف مہم میں معاونت کررہے ہیں۔ وزیر اعلی مریم نوازنے کہا کہ بجلی چوروں کے خلاف قانون کے مطابق کارروائیاں جاری رکھی جائیں۔
اجلاس میں سینیٹر پرویز رشید،سینئر صوبائی وزیر مریم اورنگزیب،، صوبائی وزیر اطلاعات عظمی زاہد بخاری، ایم پی اے ثانیہ عاشق، چیف سیکرٹری زاہد اختر زمان، آئی جی پنجاب ڈاکٹر عثمان انور، پرنسپل سیکرٹری وزیراعلی ساجد ظفر ڈال، سیکرٹریزاو ردیگر حکام نے شرکت کی۔
