اسلام آباد،11جون(اے پی پی):زرعی شعبے میں اچھی کارکردگی کی وجہ سے اقتصادی شرح نمو میں اضافہ ہوا، زراعت کے شعبے میں یہ گزشتہ 19 سال کے دوران سب سے زیادہ ترقی ہے، مالی سال 2023-24 کے دوران زراعت کے شعبے میں ترقی کی شرح نمو 6.25 فیصد رہی۔
منگل کو اقتصادی سروے میں بتایا گیا کہ گندم چاول اور کاٹن کی فصلوں میں بہتری سے زراعت کے شعبے میں ترقی ہوئی اور مالی سال 2023-24 کے دوران زرعی شعبے میں ترقی کی شرح 6.25 فیصد رہی ،صنعتی شعبے میں بھی مثبت شرح نمو ریکارڈ کی گئی اور مالی سال 2023-24 کے دوران صنعتی شعبے میں ترقی 1.21 فیصد رہی ،تعمیراتی شعبے میں شرح نمو 5.86 فیصد جبکہ مینوفیکچرنگ شعبے میں ترقی کی شرح 2.42 فیصد رہی ۔
جی ڈی پی میں سب سے زیادہ حصہ خدمات کی شعبے کا ہے جو مالی سال 2023-24 کے دوران 57.7فیصد رہی، خدمات کے شعبے میں ترقی کی شرح نمو ایک اشاریہ دو ایک فیصد رہی۔
