اسلام آباد،13جون (اے پی پی): وزیراعظم محمد شہباز شریف جمعیت علمائے اسلام (ف) کے سربراہ مولانا فضل الرحمان کی رہائشگاہ پرگئے اوران کی خیریت دریافت کی۔ مولانا فضل الرحمان نے وزیراعظم کی آمد کا خیر مقدم کیا۔ وزیراعظم نے کہاکہ مولانا فضل الرحمان نے ہمیشہ جمہوری اقدار کی حفاظت کے لیے پر امن جد وجہد کو فروغ دیا۔ وزیراعظم نے مولانا فضل الرحمان کی دینی خدمات کو بھی سراہا۔ وزیراعظم نے سیاسی مسائل کے باہمی تعاون سے حل کے لیے کمیٹی تشکیل دینے کی تجویز پیش کی۔
