اسلام آباد،13جون (اے پی پی): چیئرمین ایف بی آر امجد زبیر ٹوانہ نے کہا ہے کہ کسی بھی نان فائلر فرد کی موبائل سِم نوٹس کے بغیر بلاک نہیں کی گئی ہے۔
آج وزیر خزانہ و محصولات محمد اورنگزیب کے ہمراہ پوسٹ بجٹ پریس کانفرنس کے دوران چئیرمین ایف بی آر نے بتایا کہ نان فائلر کو پہلے نوٹس دیا جاتا ہے جس کے بعد اسے ایک ریمائنڈر بھی جاری ہوتا ہے اس کے بعد سم بند ہوتی ہے۔ انہوں نے کہا کہ 3 ہزار 800 روپے کے ٹیکسوں میں سے 1751 ارب روپے پالیسی مداخلتوں سے حاصل ہوں گے جبکہ باقی خود مختار اور جی ڈی پی گروتھ سے جنریٹ ہوں گے، کورٹ کیسز سے بھی شارٹ فال پورا ہونے کی امید ہے۔ انہوں نے کہا کہ پی او ایس انعامی سکیم دوبارہ شروع کی جائے گی۔
