سکھر،10جولائی(اے پی پی):وفاقی محتسب ریجنل ہیڈ سید محمود علی شاہ نے لاڑکانہ میں سکھر الیکٹرک سپلائی کمپنی (سیپکو) اور سوئی سدرن گیس کمپنی کے خلاف موصول ہونے والی درخواستوں کی سماعت کی۔
سیپکو کے خلاف دائر 32 درخواستوں میں سے 22 درخواستوں پر فیصلے ہوئے جب کہ 10 درخواستوں پر تاریخ دی گئیں۔ اس کے علاوہ سوئی سدرن گیس کمپنی کے خلاف دائر 24 درخواستوں میں سے 23 پر فیصلے ہوئے جب کہ 01 درخواست پر تاریخ دی گئی ۔
وفاقی محتسب ریجن کے انچارج سید محمودعلی شاہ نے متعلقہ محکموں کے حکام کو مزید ہدایت کی کہ متاثرین کی شکایات کا جلد از جلد ازالہ کیا جائے اور کسی کے ساتھ ناانصافی نہ کی جائے۔ انہوں نے کہا کہ حکم کی خلاف ورزی کرنے والے افسران کے خلاف قانونی کارروائی کی جائے گی۔ جب کہ سیپکو کی جانب سے روینیو آفیسر سہیل احمد کہاوڑ،سوئی سدرن گیس کمپنی کے ڈپٹی مینیجر سعید احمد کوریجو اور شکایت کنندگان نے شرکت کی۔
