اسلام آباد،17جولائی (اے پی پی) محکمہ موسمیات کے مطابق آج بدھ کے روز ملک کے بیشتر علاقوں میں موسم گرم اور مرطوب رہےگا تاہم جنوب مشرقی/زیریں سندھ اور شمال مشرقی /جنوبی بلوچستان میں آندھی/جھکڑچلنے اور گرج چمک کے ساتھ بارش کا امکان ہے جبکہ بالائی خیبر پختونخوا، خطہ پوٹھوہار، شمال مشرقی پنجاب ، گلگت بلتستان اورکشمیر میں شام/رات میں چند مقامات پر آندھی/جھکڑچلنے اور گرج چمک کے ساتھ بارش متوقع ہے۔
کل جمعرات کے روز بالائی/وسطی پنجاب ، خطہ پوٹھوہار، اسلام آ باد، خیبر پختونخوا، گلگت بلتستان ،کشمیر ،جنوب مشرقی/زیریں سندھ اور شمال مشرقی /جنوبی بلوچستان میں بعض مقامات پرآندھی/جھکڑچلنے اور گرج چمک کے ساتھ بارش متوقع ہے ۔اس دوران چند مقامات پر موسلادھار بارش بھی ہو سکتی ہے، ملک کے دیگر علاقوں میں موسم گرم اور مرطوب رہنے کا امکان ہے۔
