اسلام آباد،26 جولائی (اے پی پی): محکمہ موسمیات کے مطابق ملک کے بیشتر علاقوں میں موسم گرم اور شدیدحبس رہنے کا امکان ہے، تاہم کشمیر، شمال مشرقی/ مشرقی پنجاب ،اسلام آباد، خطۂ پوٹھوہار اور بالائی خیبرپختونخوا میں چند مقامات پرتیز ہواؤں/جھکڑ چلنے اور گرج چمک کے ساتھ بارش ہو سکتی ہے۔
گزشتہ چوبیس گھنٹوں کے دوران ملک کے بیشتر علاقوں میں موسم گرم اور شدید حبس رہا۔ تاہم اسلام آباد،خطہ پوٹھوہار ، شمال مشرقی پنجاب، بالائی خیبرپختونخوا اور کشمیر میں چند مقامات پر آندھی/گرج چمک کے ساتھ بارش ہوئی۔
سب سے زیادہ بارش پنجاب: منڈی بہاؤالدین 67، لاہور (ائرپورٹ 66، سٹی 56)، گجرات 60، راولپنڈی (چکلالہ ائرپورٹ 60، کچہری 27، شمس آباد 04)، سیالکوٹ (ایئرپورٹ 23، سٹی 18)، قصور 20، اسلام آباد ( ایئرپورٹ، بوکرہ 19، گولڑہ 11، زیروپوائنٹ 07، سید پور 01)، جہلم 17، مری 15، شیخوپورہ 13، منگلا 12، گوجرانوالہ 03، نارووال، حافظ آباد، بھکر 01، خیبر پختونخوا: بالاکوٹ07،زیریں دیر01، کشمیر: راولاکوٹ 06 اور مظفرآباد میں 04 ملی میٹر بارش ریکارڈ کی گئی۔
گزشتہ روز ریکارڈکیے گئے زیادہ سے زیادہ درجہ حرارت کے مطابق دالبندین 47، نوکنڈی 46، بھکر اور لیہ میں 44 ڈگری سینٹی گریڈ ریکارڈ کیا گیا۔
