اسلام آباد، 05اگست (اے پی پی ):وفاقی وزیر بجلی و توانائی سردار اویس احمد خان لغاری سے ایم کیو ایم کے وفد نے پیر کویہاں ملاقات کی ،ملاقات میں کراچی کے بجلی کے مسائل پر تفصیلی گفتگو ہو ئی۔
وفد کے اراکین کو پاور سیکٹر میں جاری اصلاحات پر بریفنگ دی گئی اور بتایا گیا کہ وفاقی حکومت بجلی کے مسائل کے حل کیلئے ہنگامی بنیادوں پر کام کر رہی ہے ، بجلی کی قیمتوں میں کمی لانے کیلئے مہنگے پاور پلانٹس کو ریٹائر کیا جائے گا اور امپورٹڈ کوئلے کے پلانٹس کو مقامی کوئلہ پر منتقل کیا جائے گا۔
