اسلام آباد، 12 فروری (اے پی پی):صدر مملکت آصف علی زرداری نے پرتگال کے صدر مارسیلو ریبیلو ڈی سوسا سے صدارتی محل میں ملاقات کی۔
صدر مارسیلو ریبیلو ڈی سوسا نے صدارتی محل آمد پر صدر آصف علی زرداری کا پرتپاک استقبال کیا دوران ملاقات دونوں رہنماؤں کا دوطرفہ اہمیت کے امور پر تبادلہ خیال ہوا اس کے ساتھ ساتھ مختلف شعبوں میں تعاون مزید گہرا کرنے کی ضرورت پر بات چیت ہوئی ۔صدر مملکت نے کہا کہ پاکستان اور پرتگال کے درمیان خوشگوار دوطرفہ تعلقات ہیں اور پاکستان پرتگال کے ساتھ اپنے تعلقات کو بہت اہمیت دیتا ہے۔
دونوں رہنماؤں کا دوطرفہ تعاون بڑھانے،ثقافتی اور عوامی سطح پر تعلقات فروغ دینے پر تبادلہ خیال ہوا۔
صدر مملکت نے پرتگال کے صدر کو دورہ پاکستان کی دعوت دیتے ہوئے کہا کہ پرتگال کے صدر کے دورے سے دوستی کا بندھن مزید مضبوط ہوگا، تعاون کی نئی راہیں کھلیں گی۔
