اے پی پی :5 فروری اجلاس کے خطاب میں وزیراعظم کا کہنا تھا کہ ہم پولیو کے مکمل خاتمے کے لیے پر عزم ہیں جبکہ فروری 2025 میں پولیو کیسز میں منفی رجحان انسداد پولیو مہم کے مؤثر ہونے کی سند ہے۔
وزیراعظم نے پولیو کیسز کی بروقت شناخت اور ان میں منفی رجحان کے لیے تمام صوبوں کی انتظامیہ کی پزیرائی کرتے ہوئے کہا ہے کہ پولیو کیسز میں بتدریج کمی تمام صوبوں کی انتظامیہ کی انتھک محنت کی بدولت ممکن ہوا،جبکہ وفاق اور صوبوں کے تعاون سے ہی ملک سے پولیو کا مکمل خاتمہ ممکن ہو سکے گا ۔
وزیر اعظم نے پولیو مہم کے دوران سیکیورٹی فورسز کے تعاون کو بھی سراہا۔وزیر اعظم نے پولیو کے تمام ڈیٹا کو ڈیجیٹائز کرنے اور سخت مانیٹرنگ کی ھدایت کی اجلاس میں وزیراعظم کو انسدادِ پولیو مہم کی اب تک کی پیشرفت کے حوالے سے آگاہ کیا گیا۔
بریفنگ میں بتایا گیا کہ تمام صوبوں میں انسداد پولیو مہم مکمل تحریک کے ساتھ جاری ہے۔ اجلاس میں بتایا گیا کہ فروری 2025 کی مہم میں ملک کے پولیو سے متاثرہ اضلاع میں بچوں کی تقریبا 90 فیصد آبادی کو پولیو کے قطرے پلائے گئے جبکہ سال 2025 کے آغاز سے اب تک 6 پولیو کیسز سامنے آئے ہیں۔
اجلاس کو آگاہ کیا گیا کہ فروری 2025 کی انسددا پولیو مہم کے آغاز سے اب تک پولیو سے متاثرہ اضلاع خصوصاََ بلوچستان، سندھ اور جنوبی خیبر پختونخوا میں پولیو کیسز میں واضح کمی دیکھنے میں آئی ہےاور کہاکہ اس سال کے پہلے 6 ماہ میں تین پولیو مہم پلان کا حصہ تھیں، جس میں سے پہلی کیمپین فروری میں ہو چکی ہے، جبکہ دیگر دو، اپریل اور مئی کے مہینوں میں ہونگی۔
اس کے علاوہ آئی ٹی ڈیش بورڈ کے ذریعے پولیو مہم کے تمام پہلوؤں کی مستقل نگرانی کی جا رہی ہے۔
