لاہور،13 مارچ (اے پی پی): گورنر پنجاب سردار سلیم حیدر خان سے سنگاپور میں عالمی مقابلہ سائنس میں پہلی پوزیشن حاصل کرنے والے طالب علم عبدالہادی نے ملاقات کی۔ گورنر پنجاب سردار سلیم حیدر خان نے پوزیشن حاصل کرنے والے طالب علم کو مبارکباد دی اور حوصلہ افزائی بھی کی۔
گورنر پنجاب سردار سلیم حیدر خان نے عبدالہادی کو تعریفی سرٹیفکیٹ اور 5 لاکھ روپے کا انعام بھی دیا۔ سردار سلیم حیدر خان نے کہا کہ عبدالہادی نے پہلی پوزیشن حاصل کر کے پاکستان کا نام روشن کیا ہے۔ گورنر پنجاب نے کہا کہ آپ ملک و قوم کا مستقبل ہیں۔
