پشاور23 مارچ(اے پی پی) :گورنرہاؤس پشاورمیں یوم پاکستان کے موقع پرتقسیم اعزازات کی پروقار تقریب کا اہتمام کیا گیا،گورنرخیبرپختونخوا فیصل کریم کنڈی نے صدرپاکستان کی طرف سے صوبے کی 7 شخصیات کو صدارتی سول اعزازت سے نوازا گیا۔
صوبہ کی 4 شخصیات کو تمغہ شجاعت اور 3 شخصیات کو تمغہ امتیاز کا صدارتی سول ایوارڈ سے نوازا گیا۔سعید خان (مرحوم)کو بہادری کے اعتراف میں بعد از وفات تمغہ شجاعت سے نوازا۔ صاحب خان کو انکی بہادری کے اعتراف میں تمغہ شجاعت سے نوازا۔
گورنر کی جانب سے ملک محمود جان ( شہید) اور سمیع اللہ خان (شہید) کو انکی بہادری کے اعتراف میں بعد از شہادت صدارتی اعزاز تمغہ شجاعت سے نوازاگیا۔
گورنر خیبر پختونخوا نے ڈاکٹر عاکف اللہ خان کو شعبہ طب میں گرانقدر خدمات ، ارشد عزیز ملک کو شعبہ صحافت میں گرانقدر خدمات پر صدارتی سول ایوارڈ تمغہ امتیاز سے نوازا۔
گورنر خیبر پختونخوا نے بختیار احمد خٹک کوشعبہ گلوکاری میں گرانقدر خدمات کے اعتراف میں صدارتی سول ایوارڈ تمغہ امتیاز سے نوازا۔
