اسلام آباد،28مارچ(اے پی پی): سوئٹزر لینڈ کیلئے پاکستان کے نامزد سفیر ڈاکٹر مرغوب سلیم بٹ نے صدر مملکت سے ملاقات کی ۔صدر مملکت نے نامزد سفیر کو نئی ذمہ داریاں سنبھالنے پرمبارکباد دی اور نیک خواہشات کا اظہار کیا۔
صدر مملکت نے کہا کہ سفراء میزبان ممالک کے ساتھ تجارتی ، معاشی ، سیاسی اور سفارتی تعلقات مزید مضبوط بنانے کیلئے کام کریں۔
صدر مملکت نے ڈاکٹر مرغوب سلیم بٹ سے ملاقات میں کہا کہ تمام دوست ممالک کے ساتھ کاروباری اور سرمایہ کاری کے شعبے میں مزید تعاون کے خواہاں ہیں۔
