اسلام آباد،28 مارچ(اے پی پی ): صدر مملکت آصف علی زرداری سے وفاقی محتسب برائے انسدادِ ہراسیت فوزیہ وقار نے ملاقات کی۔
ملاقات میں انہوں نے صدر مملکت کو ادارے کی رپورٹ برائے سال 2024 ء پیش کی ۔ پیش کردہ رپورٹ کے مطابق انسدادِ ہراسیت محتسب نے سال 2024 ء میں 673 کیسز نمٹائے ،محتسب کو خواتین کو جائیداد سے محروم کرنے کی 168 شکایات موصول ہوئیں،جن میں سے 139 شکایات پر فیصلہ کیا گیا۔
ملاقات میں وفاقی محتسب برائے انسدادِ ہراسیت فوزیہ وقار نے بتایا کہ ادارہ خواتین کو جائیداد سے محروم کرنے کی شکایات کا فوری ازالہ کررہاہے۔
