اسلام آباد اپریل23مدینہ منورہ سعودی عرب سے موصول ہونے والی اطلاعات کے مطابق اسپیکر قومی اسمبلی سردار ایاز صادق نے اپنے حالیہ سرکاری دورہ سعودی عرب کے دوران مدینہ منورہ کا دورہ کیا۔
اس موقع پر انہوں نے روضۂ رسول صَلَّى اللهُ عَلَيْهِ وَسَلَّم پر حاضری دی اور مسجد نبوی میں نوافل ادا کیے، امت مسلمہ کے اتحاد و یگانگت، پاکستان کی ترقی، خوشحالی اور استحکام کے لیے خصوصی دعا مانگی۔اسپیکر قومی اسمبلی کا دورہ روحانی وابستگی اور دینی عقیدت کا مظہر ہے۔
اس موقع پر پارلیمانی وفد کے دیگر اراکین بھی اسپیکر قومی اسمبلی کے ہمراہ موجود تھے۔ وفد کا حالیہ دورہ سعودی عرب دونوں برادر ممالک کے مابین مضبوط پارلیمانی روابط اور دوستانہ تعلقات کا عکاس ہے۔
اسپیکر قومی اسمبلی کا حالیہ دورہ ناصرف مذہبی عقیدت کا اظہار تھا بلکہ پاکستان اور سعودی عرب کے درمیان دیرینہ برادرانہ تعلقات کو مزید مستحکم بنانے میں بھی معاون ثابت ہوگا۔
