اسلام آباد، نومبر 6 ( اپ پ): روس کی سٹیٹ ڈوما کمیٹی برائے انٹر نیشنل افیئرز کے چیئر مین مسٹر لیونڈ سلٹسکی نے پیر کو سپیکر قومی اسمبلی سردار ایاز صادق سے پارلیمنٹ ہاو¿س میں ملاقات کی۔ملاقات میں دوطرفہ تعلقات اور باہمی دلچسپی کے امور پر تبادلہ خیال کیا گیا۔
ملاقات کے دوران بات چیت کرتے ہوئے اسپیکر سردار ایاز صادق نے کہا کہ پاکستان روس کے ساتھ اپنے تعلقات کو بڑی قدر کے نگاہ سے دیکھتا ہے۔انہوں نے کہا کہ پاکستان اپنے قریبی دوست ممالک کے ساتھ تعلقات کو مزید مضبوط اور مستحکم بنانا چاہتا ہے۔
ایاز صادق نے کہا کہ پاکستان کی پارلیمان اور عوام روس کے ساتھ اپنے علاقائی ترقی،تجارتی واقتصادی تعاون کو مزید وسعت دینے کے خواہاں ہیں۔ان کا یہ بھی کہنا تھا کہ علاقائی و اقتصادی ترقی کے اہداف کو حاصل کرنے کے لیے دوست ممالک کے پارلیمانوں کے درمیان پارلیمانی وفود کا تبادلہ ہونا ضروری ہے۔، سپیکر قومی اسمبلی نے کہا کہ پاک۔چین اقتصادی راہداری پورے خطے کے لیے گیم چینجر کی اہمیت رکھتا ہے جس سے خطے کی عوام مستفید ہونگے۔ان کا کہنا تھا کہ پاک۔چین اقتصادی راہداری روس سے ہوتی ہوئی وسطی ایشیائی ممالک کی تجارتی منڈیوں تک رسائی کو ممکن بنائی گی۔ ایاز صادق نے کہا کہ دہشتگردی خطے کی ترقی کے لیے سب سے بڑا خطرہ ہے جس کے لیے تمام ممالک کو مشترکہ حکمت عملی اپنانے کی ضرورت ہے۔
اسپیکر نے کہا کہ قومی اسمبلی آف پاکستان دسمبرمیں کانفرانس کا انعقاد کر رہی ہے جس میں چین ،روس ،ترکی ، ایران اور افغانستان کے سپیکر ز شرکت کریں گے۔کانفرانس میں خطے میں بڑ تی ہوئی دہستگردی اور اس کے روک تھام وقریبی رابطوں کومضبوط بنانے پر غور کیا جائے گا،۔
روسی چیئر مین کمیٹی برائے انٹرنیشنل افیئرز کا کہنا تھا کہ روس پاکستان کے ساتھ اقتصادی ، دفاعی ، تجارتی اور دیگر تمام شعبوں میں تعاون کو فروغ دینے کا خواہاںہے۔انہوں نے کہا کہ پاکستان نے دہشتگردی کے خلاف جنگ میں بے پناہ قربانیاں دی ہیں جسے دنیا فراموش نہیں کر سکتی۔
اے پی پی /صائمہ ا ن م
