وزارت ِ داخلہ کا ڈی پورٹ ہونے پر ایف آئی آر درج، پاسپورٹ منسوخ کرنے کا فیصلہ

اسلام آباد،24 مئی (اے پی پی):وفاقی وزیر داخلہ محسن نقوی کی زیرصدارت  اجلاس منعقد ہوا، اجلاس میں  فیصلہ کیا گیا کہ ڈی پورٹ ہونے والے  افراد کے خلاف ایف آئی آر کا اندراج کیا جائے گا

اجلاس میں فیصلہ کیا گیا کہ ڈی پورٹ ہونے والوں کے پاسپورٹ منسوخ کئے جائیں گے، ڈی پورٹ ہونے والے افراد کو   پانچ سال کیلئے پاسپورٹ کنٹرول لسٹ پر بھی ڈالا جائے گا

وزیر داخلہ محسن نقوی کی ہدایت پر پاسپورٹ کے قوانین کو مزید سخت اور بہتر بنانے کیلئے سیکرٹری داخلہ کی سربراہی میں  کمیٹی قائم  کی گئی-

وزیر داخلہ نے کہا کہ ڈی پورٹ ہونے والے افراد پاکستان کیلئے بین الاقوامی سطح پر شرمساری کا باعث بن رہے ہیں، آئندہ ان سے کوئی رعایت نہیں برتی جائے گی-