اسلام آباد،07جولائی(اے پی پی): پاکستان کوسٹ گارڈز کے زیراہتمام کراچی بندرگاہ پر دو نئی بوٹس کی شمولیت کی تقریب منعقد ہوئی، تقریب کے مہمان خصوصی وفاقی وزیر داخلہ محسن نقوی تھے جنہوں نے پاکستان کوسٹ گارڈز میں جدید بوٹس کی شمولیت کے اقدام کو سراہا۔
ڈی جی پاکستان کوسٹ گارڈز میجر جنرل جواد ریاض نے وفاقی وزیر داخلہ محسن نقوی کا کراچی بندرگاہ آمد پر استقبال کیا۔ تقریب میں اعلی عسکری، سول افسران اور غیرملکی سفارتکاروں نے بھی شرکت کی جبکہ ڈی جی اینٹی نارکوٹکس فورس میجر جنرل عبدالمعید بھی موجود تھے۔
وزیرداخلہ محسن نقوی نے نئی بوٹس کا معائنہ کیا اور نئی بوٹ پر سفر بھی کیا۔ ڈی جی پاکستان کوسٹ گارڈز میجر جنرل جواد ریاض نے جدید بوٹس کے بارے بریفنگ دی۔
