اسلام آباد، 10 جولائی (اے پی پی): پاکستان پیپلز پارٹی کے سینئر رہنما راجہ پرویز اشرف نے عالمی یومِ آبادی کے موقع پر منعقدہ ایک تقریب سے خطاب کرتے ہوئے کہا کہ ملکی ترقی اور فلاح کے لیے آبادی میں توازن وقت کی اہم ضرورت ہے۔
انہوں نے کہا کہ اس حوالے سے مختلف سطحوں پر اقدامات کیے گئے ہیں، تاہم مزید مؤثرآگہی اورشراکت داری کی ضرورت ہے تاکہ وسائل کا درست استعمال ممکن ہو سکے۔ راجہ پرویز اشرف نے زور دیا کہ مقامی سطح پر آگہی مہمات کے ذریعے عوام کو سادہ اور قابلِ فہم انداز میں معلومات فراہم کی جائیں۔
انہوں نے کہا کہ تعلیم، صحت اور روزگار جیسے شعبے آبادی کے براہِ راست اثر میں آتے ہیں،اس لیے ایک مربوط اور جامع حکمتِ عملی وقت کی اہم ضرورت ہے۔
آخر میں انہوں نے تقریب کے منتظمین کو سراہا اور کہا کہ تمام قومی اداروں کو ایسی کوششوں میں تعاون کرنا چاہیے تاکہ ایک متوازن اور خوشحال معاشرہ تشکیل دیا جا سکے
