اسلام آباد، 03 اگست ( اے پی پی):ایران کے صدر ڈاکٹر مسعود پیزشکیان دو روزہ دورہ پاکستان مکمل کر کے وطن واپس روانہ ہوگئے۔
وفاقی وزراء ریاض حسین پیرزادہ اور عطاء اللہ تارڑ نے ایران کے صدر مسعود پیزشکیان کو الوداع کیا ۔
اس موقع پر وفاقی وزراء نے ایران کے صدر کو ان کے دورہ کے یادگار لمحات پر مبنی تصویری البم بھی پیش کیا۔یہ تصویری البم پاکستان اورایران کے درمیان بڑھتےہوئےدوستانہ تعلقات اور ثقافتی روابط کاعکاس ہے۔
ایران کے صدر نے اس خوبصورت تصویری البم پر وفاقی وزراء کا شکریہ ادا کیا۔
