چیئرمین یورپین یونین کشمیر کونسل کی شاہ محمود قریشی سے ملاقات۔

292

اسلام آباد،18  دسمبر ( اے پی پی): چیئرمین یورپین یونین کشمیر کونسل علی رضا سید نے آج  وزارتِ خارجہ میں وزیر خارجہ مخدوم شاہ محمود قریشی سے ملاقات کی۔

وزیر خارجہ نے علی رضا سید سے گفتگو کرتے ہوئے کہا کہ مقبوضہ  کشمیر میں ہندوستانی قابض افواج کی جانب سے انسانیت سوز مظالم کو بین الاقوامی سطح پر اجاگرکرنے اور بین الاقوامی برادری تک مقبوضہ کشمیر کی صورتحال کی درست عکاسی کرنے میں تارکین وطن بالخصوص یورپ میں مقیم کشمیری کیمونٹی  کا کردار نہایت اہم ہے۔ انہوں نے کہا کہ کشمیری عوام مسئلہ کشمیر کے بنیادی فریق ہیں جن کی بات کو دنیا بھر کے اندر بہتر انداز میں سمجھا اور سنا جاتا ہے۔ بیرون ملک مقیم کشمیریوں کواپنی اس آواز کو مزید موثر بناتے ہوئے اتحاد و یکجہتی کے ساتھ عالمی اداروں اور انسانی حقوق کے فورمز کے سامنے اٹھانا چاہیے۔

وزیر خارجہ نے مزید کہا کہ ہندوستان نے مقبوضہ وادی کو عملاًعقوبت خانہ بنا رکھا ہے روزانہ کی بنیاد پر نوجوانوں کا قتل عام ،پیلٹ گنز کے ذریعے معصوم بچوں سےبینائی چھیننے کے واقعات انتہائی قابل مذمت اور تشویشناک ہیں۔

اقوام متحدہ کے انسانی حقوق کمیشن کی رپورٹ اور برطانوی اراکین پارلیمنٹ کی رپورٹ آنے کے بعد ہندوستان کا اصل چہرہ  کھل کر دنیا بھر کے سامنے آ چکا ہے۔ کشمیرکونسل یورپی یونین نے دنیا بھر میں، بالخصوص یورپ کے سامنے مظلوم کشمیری عوام کا مقدمہ جس بھرپور انداز میں اجاگر  کیا ہے وہ قابلِ تحسین ہے

چیرمین یورپین یونین کشمیر کونسل علی رضا سید نے مسئلہ کشمیر کو دنیا بھر میں اجاگر کرنے اور عالمی اداروں کی کشمیر میں جاری مظالم کی طرف توجہ مبذول کرانے پروزیر خارجہ مخدوم شاہ محمود قریشی کا خصوصی شکریہ ادا کیا۔ حمزہ رحمٰن /فاروق

اے پی پی وی این ایس اسلام آباد