اسلام آباد، 29 جنوری (اے پی پی): وزیراعظم عمران خان نے کہا ہے کہ حکومت کاروبار میں آسانی پیدا کرنے اور کاروباری برادری کو کاروبار دوست ماحول مہیا کرنے کیلئے پرعزم ہے۔
ان خیالات کا اظہار وزیر اعظم نے سینئر ریسرچ منیجر ”آئی بی ایم“ کینیا ڈاکٹر چیریٹی وےویا سے ملاقات کے دوران گفتگو کرتے ہوئے کیا ۔ اس موقع پر وزیر خزانہ اسد عمر، وزیراعظم کے مشیر برائے تجارت عبدالرزاق داﺅد بھی موجود تھے۔ ملاقات کے دوران کاروبار میں آسانی پیدا کرنے اور بہتری لانے سے متعلق امور پر تبادلہ خیال ہوا۔ ڈاکٹر چیریٹی نے کاروبار میں آسانی پیدا کرنے کے حوالہ سے کینیا کے تجربہ سے آگاہ کیا۔
اے پی پی/ عمار برلاس /شاہ زیب
وی این ایس اسلام آباد
