اسلام آباد، جنوری 15(اے پی پی): وزیراعظم عمران خان نے منگل کے روز راولپنڈی کے بے نظیر بھٹو شہیدہسپتال کااچانک دورہ کیا اور صحت کی سہولیات کا جائزہ لیا۔
وزیراعظم نے ہسپتال میں عوام کو میسر علاج معالجے کے معیار، صفائی اور ادویات کی دستیابی کی صورتحال کاجائزہ لیا۔
وزیر اعظم کو ہسپتال میں فراہم کی جانے والی سہولیات پر وفاقی وزیر عامر کیانی کی جانب سے تفصیلی بریفنگ دی گئ۔
وزیر اعظم زچہ بچہ وارڈ سمیت ہسپتال کے مختلف شعبہ جات میں بھی گئے اور زیر علاج مریضوں کی خیریتاور علاج معالجے کی سہولیات کے بارے میں دریافت کیا۔
عمران خان نے ہسپتال میں تیمار داری کیلئے موجود مریضوں کے اہل خانہ سے بھی گفتگو کی۔
وزیراعظم نے ہسپتال کو جدید تقاضوں کے مطابق کرنے اور مزید سہولیات کی فراہمی کیلئے اقدامات اٹھانے کی ہدایت کی۔
انہوں نے امراض کی تشخیص و علاج اور انتہائی نگہداشت کے شعبے کو مزید سہولیات سے آراستہ کرنے کی بھی ہدایت کی۔
وفاقی وزیر صحت عامر کیانی، معاون خصوصی افتخار درانی اور سینٹر فیصل جاوید بھی ہمراہ تھے۔
اے پی پی/ عمّار برلاس/شاہ زیب
سورس: وی این ایس اسلام آباد
