اسلام آباد،28 جنوری(اے پی پی): وزیر خارجہ مخدوم شاہ محمود قریشی کی صدارت دفتر خارجہ میں آج دورہ عمان کے حوالے سے اہم اجلاس منعقد ہوا۔
اجلاس میں اکنامک افیئر ڈویژن، پاکستان ریلویز، سول ایوی ایشن ڈویژن اور وزارتِ صنعت و پیداوار کے نمائندگان نے وزیر خارجہ کو بریفنگ دی۔
یاد رہے کہ وزیر خارجہ شاہ محمود قریشی پاکستان اور عمان کے مابین موجود، قدیم تہذیبی اور تاریخی روابط کو مزید پروان چڑھانے کی غرض سے،کل سلطنت عمان کے دورے پر روانہ ہو رہے ہیں ۔
وزیر خارجہ مخدوم شاہ محمود قریشی کا یہ دورہ دونوں ممالک کے درمیان تاریخی،تکنیکی، سیاحتی، تجارتی اور معاشی دو طرفہ روابط کو مزید گہرا اور موثر بنانے اور فروغ دینے میں بھرپور کردارادا کرے گا۔
اے پی پی /حمزہ /حامد
وی این ایس، اسلام آباد
