وزیر اعظم عمران خان نے سابقہ حکومتوں میں لیے گئے قرضوں کی تحقیقات کیلئے اپنے ماتحت اعلیٰ سطحی انکوائری کمیشن بنانے کا اعلان کر دیا ہے، انکوائری کمیشن میں آئی بی،ایف آئی اے، ایف بی آر، ایس ای سی پی اورآئی ایس آئی کے نمائندے شامل ہونگے۔ انکوائری کمیشن کےذریعے10سالوں میں لیےگئےقرضوں کی تحقیقات ہوں گی۔
قوم سے اپنے خطاب میں وزیر اعظم عمران خان نے کہا کہ وقت آن پہنچا ہے کہ بحثیت قوم ہمیں نقصان پہنچانے، عوام کو مفلسی کی دلدل میں دھکیلنے اور اب خود “جمہوریت” کی اوٹ میں پناہ تلاش کرنے والے منی لانڈررز کی تعریف و ستائش کا سلسلہ بند کیا جائے۔انکی آو بھگت تو کسی بھی طرح ممکن نہیں۔ قومی وسائل پر ہاتھ صاف کرنے والوں سے ایسا خصوصی سلوک دنیا میں کہاں روا رکھا جاتا ہے؟ وقت آگیا ہے کہ ان سے مجرموں کیطرح ہی نمٹا جائے۔
سورس: وی این ایس ، اسلام آباد
