اسلام آباد ، 21 اگست (اے پی پی): وزیراعظم عمران خان کی زیر صدارت ملک میں پولیو کی صورتحال پر بدھ کو اعلیٰ سطح کا اجلاس منعقد ہوا۔
اجلاس مٰیں وزیر اعظم کے فوکل پرسن برائے انسداد پولیو بابر عطاءنے ملک میں پولیو کی موجودہ صورتحال اور آئندہ کے لائحہ عمل پر تفصیلی بریفنگ دی۔ وزیر اعلیٰ خیبر پختونخوا، وزیر اعلیٰ بلوچستان، چیف سیکرٹری پنجاب اور چیف سیکرٹری سندھ کی جانب سے متعلقہ صوبوں میں پولیو کے خاتمے کے لیے اٹھائے جانے والے اقدامات پر بریفنگ دی گئی ۔
اجلاس میں معاون خصوصی برائے نیشنل ہیلتھ ڈاکٹر ظفر مرزا، وزیر اعلیٰ خیبر پختونخوا، وزیر اعلیٰ بلوچستان، چیف سیکرٹری پنجاب اور چیف سیکرٹری سندھ اور دیگر سینئر افسران موجود تھے جبکہ بین الاقوامی پارٹنر اداروں بل اینڈ میلنڈا گیٹس سے ڈاکٹر ٹم پیٹر سن، ورلڈ ہیلتھ آرگنائزیشن سے ڈاکٹر پلیتھا گونارستھنا ماہی پالے، یونیسیف سے ڈاکٹر جون ایگبور، انجینئر انچیف لیفٹینٹ جنرل معظم اعجاز، پاکستان میں کینیڈا کی ہائی کمشنر وینڈی گلمور بھی اجلاس میں موجود تھیں۔
وی این ایس، اسلام آباد
