پشاور،31مارچ(اے پی پی): ڈائریکٹر جنرل ریسکیو1122 ڈاکٹر خطیر احمد نے کہاہے کہ ریسکیو اہلکار اپنی زندگی خطرے میں ڈال کر فرائض سر انجام دے رہے ہیں اور مربوط حکمت عملی کے تحت کورونا وائرس سے بچاؤ، تدارک اور آگاہی کے لیے کام کررہے ہیں۔ ان خیالات کا اظہار ڈاکٹر خطیر احمد نے ریسکیو1122 پشاور سٹیشن کے دورہ کے موقع پر کیا، ڈائریکٹر جنرل ریسکیو1122 ڈاکٹر خطیر احمد نے اس موقع پر کورونا وائرس سے متاثرہ مشتبہ مریضوں کا منتقل کرنے والے اہلکاروں سے ملاقات کی اور کورونا وائرس کے خلاف جنگ میں فرنٹ لائن پر خدمات فراہم کرنے پر اہلکاروں کی حوصلہ افزائی بھی کی۔
ڈی جی ریسکیو1122 نے اہلکاروں سے گفتگو کرتے ہوئے کہا کہ ریسکیو اہلکاروں قواعدو ضوابط کو مدنظر رکھتے ہوئے فرائض سر انجام دے رہے ہیں جس کیلئے انکو کورونا وائرس سے بچاؤ کے لیے حفاظتی کٹس اور آلات کے استعمال کو یقینی بنا رہے ہیں جبکہ
مشتبہ مریضوں کو منتقل کرنے کے بعد حفاظتی آلات کو تلف کرنے کی ہدایات پر عمل جاری یے۔
ڈی جی ریسکیو 1122 ڈاکٹر خطیر احمد نے کہا کہ ریسکیو انتظامیہ نے کرونا وائرس سے بچاؤ کیٹس صوبے بھر کے سٹیشنز کو فراہم کی ہیں۔ اسکے ساتھ ریسکیو ایمبولینسز کو جراثیم کش ادویات سے صاف کیا جاتا ہے کیونکہ ریسکیو1122 صوبے بھر میں مشتبہ مریضوں کو منتقل کر چکی ہے۔ ڈی جی ریسکیو 1122 نے کہا کہ ریسکیو 1122 کی جانب سے صوبے بھر میں جراثیم کش سپرے کا عمل جاری ہے جس کے خاطر خواہ نتائج برآمد ہونگے۔
اے پی پی /صائمہ/ریحانہ
