اسلام آباد،۸ مئی (ا ے پی پی): وزیر مذہبی امور پیر نور الحق قادری نے کہا ہے کہ کورونا کے پیش نظر اولین ترجیح عوام کی جان کا تحفظ ہے۔ تاہم مذ ہبی حلقوں نے بیس نکاتی ایجنڈے پر مثبت ردعمل دیا ہے۔
وزیرمذہبی امور نے یہ بات آج اسلام آباد میں شیعہ علماء کے ساتھ ویڈیو مشاورتی اجلاس کے دوران کہی۔اجلاس میں کورونا وباء کے پیش نظر جلوس عزاداری اور اجتماعات کے انعقاد بارے تبادلہ خیال کیا گیا۔
سندھ اور پنجاب سے شیعہ علما اور اعلی حکومتی حکام بھی ویڈیو لنک کے ذریعے شریک ہوئے جبکہ چیئرمین اسلامی نظریاتی کونسل، سیکرٹری داخلہ، سیکرٹری مذہبی امور بھی اجلاس میں شریک ہوئے۔
وزیرمذہنی امور کا کہنا تھا کہ مذہبی حلقوں نے 20 نکاتی متفقہ اعلامیہ پر کافی حد تک عملدرآمد کیا ہے، موجودہ حالات میں عوام کو کورونا وباء سے بچاو اولین ترجیح ہو گی۔
وزیر مذہبی امور نے کہا کہ باقی صوبوں سے مشاورت کے بعد عزا داری جلوسوں کی اجازت کےبارے فیصلہ کیا جائے گا۔
حمزہ،فاروق
