لاہور، 24مئی(اے پی پی): وزیراعلیٰ پنجاب سردار عثمان بزدار نے عید الفطر کی نماز وزیراعلیٰ آفس کے لان میں ادا کی۔وزیراعلیٰ نے سماجی فاصلہ برقرار رکھتے ہوئے لوگوں کو عید کی مبارکباد دی،وزیراعلیٰ نے ملک کی ترقی، خوشحالی،استحکام اور قیام امن کیلئے بھی دعا کی۔
وزیراعلیٰ عثمان بزدار نے کورونا اور طیارہ حادثے کے شہداء کے ایصال ثواب کیلئے بھی دعا مانگی،وزیراعلیٰ عثمان بزدار نے وطن عزیز میں قیام امن کیلئے اپنی جانوں کا نذرانہ پیش کرنے والے شہداء کے درجات کی بلندی کیلئے دعا کی۔
وزیر اعلی پنجاب نے کہا کہ شہداء کے لواحقین کے ساتھ مکمل اظہار یکجہتی کرتے ہیں۔ہمیں آج شہداء کے اہل خانہ کو بھی یاد رکھنا ہے،دعا ہے کہ پاکستان ترقی اورخوشحالی کی منزل حاصل کرے۔
اے پی پی /لاہور/قرۃالعین
