اسلام آباد، 03 جون ( اے پی پی ): اسپیکر قومی اسمبلی اسد قیصر کی ہدایت پر پارلیمنٹ ہاؤس کو کورونا وائرس سے پاک کرنے کے لیے جراثیم کش ادویات کے چھڑکاؤ کا دوسرا دن، آج صدر مملکت اور اسپیکر چیمبرز میں جراثیم کش ادویات کا چھڑکاؤ کیا گیا۔ اس کے علاوہ قائد حزب اختلاف اور وفاقی وزراء کے چیمبرز کی فیومیگیشن بھی کی گی۔
اسپیکر قومی اسمبلی کے حکم پر انتظامیہ کی جانب سے سی ڈی اے کو 5 جون سے شروع ہونے والے اجلاس سے قبل پارلیمنٹ ہاؤس کی مکمل فیومیگیشن کرنے کی ہدایت کی گئی ہے، تمام کمیٹی رومز میں بھی مکمل طور پر جراثیم کش ادویات کا چھڑکاؤ کیا گیا۔
جوائنٹ سیکریٹری، انتظامیہ قومی اسمبلی اور سی ڈی اے کے افسران اس کارروائی کی نگرانی کا کام سر انجام دے رہے ہیں۔
۔
