اسلام آباد،،21 اکتوبر (اے پی پی ): وفاقی وزیر برائے قومی تحفظ خوراک و تحقیق سید فخر امام نے کہا ہے کہ کوویڈ 19 کے دوران پاکستان میں مویشیوں اور پولٹری کی صنعت میں کمی واقع ہوئی تھی، لیکن اب پولٹری کی صنعت عروج پر ہے۔
بدھ کو یہاں ایس سی او کے ممبر ممالک کے اجلاس سے خطاب کرتے ہوئے انہوں نے کویڈ 19 میں پاکستان کی کوشش کی تعریف کی۔ انہوں نے نیشنل کمانڈ اینڈ آپریشن سنٹر (این سی او سی) کے پلیٹ فارم کی بھی تعریف کی، جس کی وجہ سے پاکستان میں کوویڈ 19 کم ہوا۔
سید فخر امام نے کہا کہ معاشی صورتحال کی وجہ سے ملک میں مکمل لاک ڈاؤن کا نفاذ ناممکن تھا۔تاہم ، حکومت نے سمارٹ لاک ڈاؤن پالیسی پر توجہ دی۔انہوں نے بتایا کہ اب ملک میں ٹڈی دل کو مکمل طور پر قابو میں کرلیا گیا ہے۔
وفاقی وزیر نے محکمہ پلانٹ پروٹیکشن (ڈی پی پی) کی صلاحیت سازی کے بارے میں بھی بات کی۔
