لاہور۔24نومبر:(اے پی پی):صوبائی وزیر صحت ڈاکٹریاسمین راشدنے تمام موبائل ہیلتھ یونٹس کا دائرہ کاروسیع کرنے کا حکم دے دیا۔صوبائی وزیر صحت ڈاکٹریاسمین راشدنے یہ احکامات محکمہ پرائمری اینڈ سیکنڈری ہیلتھ کیئرمیں اعلی سطحی اجلاس کی صدارت کرتے ہوئے جاری کئے۔ صوبائی وزیر صحت ڈاکٹریاسمین راشدنے اجلاس کے دوران پنجاب ہیلتھ فیسیلیٹیز مینجمنٹ کمپنی کی کارکردگی کا جائزہ لیا۔ایم ڈی پنجاب ہیلتھ فیسیلیٹیز مینجمنٹ کمپنی ارشد عثمانی نے صوبائی وزیر صحت کو کارکردگی کی تفصیلات پیش کیں۔صوبائی وزیر صحت ڈاکٹریاسمین راشد نے اظہار خیال کرتے ہوئے کہا پنجاب ہیلتھ فییلیٹیز مینجمنٹ کمپنی کے افسران کو کارکردگی مزید بہتربنانے کا موقع دیاجارہاہے۔تمام 20موبائل ہیلتھ یونٹس مریضوں کو سہولت دیتے نظرآنے چاہئیں۔انہوں نے کہا کہ موبائل ہیلتھ یونٹس کے ذریعے دوردراز کے علاقہ جات میں مریضوں کو زیادہ سے زیادہ طبی سہولیات فراہم کی جائیں۔ پنجاب ہیلتھ فیسیلیٹیز مینجمنٹ کمپنی میں کئے گئے تمام اخراجات کی تفصیلات پیش کی جائیں۔یاسمین راشد کا کہنا ہے کہ پنجاب ہیلتھ فیسیلیٹیز مینجمنٹ کمپنی میں تمام اخراجات کا مکمل آڈٹ کیاجائے گا۔ تمام موبائل ہیلتھ یونٹس کو مکمل فعال ہوناچاہئے۔ پنجاب ہیلتھ فیسیلیٹیز مینجمنٹ کمپنی کے ذریعے پنجاب بھر میں مریضوں کو سہولت دی جارہی ہے۔انہوں نے مزید کہا کہ کمپنی کی خالی اسامیوں پر سوفیصد میرٹ پر بھرتی کی جائے۔پنجاب ہیلتھ فیسلیٹیز مینجمنٹ کمپنی کے صوبہ بھرمیں تمام افسران کی کارکردگی کاجائزہ اجلاس جلدطلب کیاجائے گا۔ڈاکٹریاسمین راشد نے کہا کہ آئندہ موبائل ہیلتھ یونٹس کے ذریعے مریضوں کو ہسپتالوں میں ریفرکیاجائے گا۔ موبائل ہیلتھ یونٹس کے ذریعے طبی سہولت حاصل کرنے والے مریضوں کی تفصیلات پیش کی جائیں۔ پنجاب ہیلتھ فیسیلیٹیز مینجمنٹ کمپنی کی کارکردگی کو مزیدبہتربنایاجائے۔ان کا کہنا ہے کہ تمام موبائل ہیلتھ یونٹس کے ذریعے ویکسینیشن کا عمل تیز کیاجائے۔ پنجاب میں ویکسینیشن کا دائرہ کاربڑھانے میں موبائل ہیلتھ یونٹس کلیدی کرداراداکرسکتے ہیں۔تمام موبائل ہیلتھ یونٹس میں ویکسینیشن کی سہولت کو یقینی بنایاجائے۔ڈاکٹریاسمین راشد نے کہا کہ تمام موبائل ہیلتھ یونٹس کے ذریعے کوروناوائرس کے تشخیصی ٹیسٹ کے نمونہ لینے کیلئے انتظامات کئے جائیں۔
موبائل ہیلتھ یونٹس کومریضوں کیلئے زیادہ سے زیادہ سودمندبنانے کی کوشش کررہے ہیں۔اس موقع پر عثمان یونس نے کہا کہ پنجاب ہیلتھ فیسیلیٹیز مینجمنٹ کمپنی کی کارکردگی کاہرماہ جائزہ لیاجائے گا۔ پنجاب ہیلتھ فیسیلیٹیز مینجمنٹ کمپنی میں تمام تربھرتیوں کے عمل میں سوفیصدشفافیت کو یقینی بنایاجائے گا۔
