شکرگڑھ،30نومبر( اے پی پی): اسسٹنٹ کمشنر وقار اکبر چیمہ نے تحصیل ہیڈ کواٹر ہسپتال میں بچوں کو قطرے پلا کر انسداد پولیو مہم کا آغاز کر دیا۔
اس موقع پر اسسٹنٹ کمشنر وقار اکبر چیمہ نے میڈیا نمائندوں سے گفتگو کرتے ہوئے کہا کہ شکرگڑھ میں 336 ٹیمیں تشکیل دی گئی ہیں، جو مختلف مقامات پر اپنے فرائض سر انجام دیں گیں۔
انہوں نے شہریوں کو پیغام دیا کہ ہم نے مل کر اس مہم کو کامیاب بنانا ہے اور اگر کسی وجہ سے ٹیم متعلقہ جگہ نہ پہنچ سکے تو خود کال کر کے اپنے بچوں کو پولیو کے قطرے پلائیں۔
مہم آج 30 نومبر سے لیکر 4 دسمبر تک جاری رہےگی۔
