ملتان، 9دسمبر(اے پی پی ): کورونا ایس او پیز پر عملدرآمد کرانے کے لئے ضلعی انتظامیہ کی کوششیں جاری و ساری ہیں،گزشتہ 24 گھنٹوں کے دوران کورونا ایس او پیز کی خلاف ورزی کرنیوالوں پر15ہزار روپے جرمانے عائدکئے گئے ہیں۔
اس سلسلے میں پرائس مجسٹریٹ طارق ولی نے بوسن روڈ پر واقع ہوٹل پر55 سو روپے جرمانہ عائد کیا ،پرائس مجسٹریٹ عبدالخالق نے سبزی منڈی میں ایس او پیز کی خلاف ورزی پر 25 سو روپے جرمانہ کیا، پرائس مجسٹریٹ افضل ہراج نے دولت گیٹ ایریا میں دکاندار کو3ہزار روپے جرمانہ جبکہ قادر پور راں میں واقع دو ہوٹلوں کے مالکان پر55 سو روپے جرمانہ عائد کیا گیا ہے۔
