گوادر، 13دسمبر(اے پی پی): ڈپٹی کمشنر گوادر میجر ریٹائرڈ عبدالکبیر خان نے کہا ہے کہ گوادر کے لوگ پرامن اور ترقی پسند ہیں، گوادر سیف سٹی پراجیکٹ کے تحت جدید اورترقی کرنے والے گوادر میں سرمایہ کاروں کو تحفظ فراہم کرنے، مقامی لوگوں کے جان و مال کی حفاظت، شہر کےعمومی ماحول کو بہتر بنانے کی غرض سے حفاظتی باڈ تعمیر کی جارہی ہے تاہم اس سلسلے میں مقامی آبادی کو کوئی تحفظات غلط فہمیاں ہوئیں توانہیں دور کر کے ہی آگے بڑھیں گے۔
ان خیالات کا اظہار انہوں نے ضلعی انتظامیہ کے زیرنگرانی منعقدہ پرہجوم عوامی کھلی کچہری کے شرکاء سے خطاب کرتے ہوئے کیا۔انہوں نے کہا کہ گوادر شہر کی ترقی، شہریوں کے بنیادی مسائل کے حل کیلئے تمام اسٹیک ہولڈرز کی مشاورت سے اپنی تمام صلاحیتوں کو بروئے کار لائیں گے، گوادر کی تاریخ میں پہلی بار ضلعی انتظامیہ کے زیر نگرانی منعقدہ کھلی کچہری میں عوامی مسائل کی نشاندہی ممکن ہوئی ہے، ضلع گوادر کے ماہی گیر ،صنعت کار ،ملازم پیشہ افراد،سماجی شخصیات، سول سوسائٹی نمائندگان اور سیاسی جماعتوں کے نمائندوں کی بھرپور اندازمیں شرکت عوامی مسائل کے حل کیلئے ضلعی انتظامیہ کی کوششوں کی دلیل ہے کہ یہاں کے لوگ محب وطن اور ترقی کے مخالف نہیں ہیں۔
ڈپٹی کمشنر نے شرکاء سے مخاطب ہوکر کہا کہ جب آپ لوگ اپنےمسائل بیان کررہے تھے تو ہمیں بہت خوشی محسوس ہورہی تھی کہ آپ نے ہمیں اپناسمجھ کراپنےمسائل بیان کئے، ہم لائن ڈیپارٹمنٹ افسران کے بھی شکرگزار ہیں جنہوں نے کھلی کچہری میں شرکت کرکے مسائل نوٹ کئے۔
ڈپٹی کمشنر نے ضلع میں بیروزگاری دورکرنے کیلئے تعلیم یافتہ ہنرمند نوجوانوں کو انکابنیادی حق روزگاردلانے کے عزم کااظہار کرتےہوئے کہا کہ بیروزگار نوجوانوں کاڈیٹا اکھٹا کیاجائیگا،اس سلسلے میں وہ گوادر کےنوجوانوں کو کبھی مایوس نہیں کرینگے۔
ڈپٹی کمشنر نےکھلی کچہری میں عوامی مطالبے پرراہداری اجراء کاسلسلہ عوامی سہولت کے پیش نظر سابقہ ڈی سی آفس میں شروع کروانے کا اعلان بھی کیا،،ڈپٹی کمشنر نے ڈھوریہ سے گزروان ساحل کنارے سیوریج سسٹم کی درستگی ،ماہیگیروں کےلئے اور گزرگاہ کی تعمیر جیسے بنیادی مسائل اسٹیک ہولڈرزکی مشاورت سے حل کرنے کی یقین دہانی کرائی، ڈپٹی کمشنر نے فشریز ڈیپارٹمنٹ کی جانب سے چھوٹی مچھلیوں کے شکار پر پابندی کے فیصلے پر نظرثانی کیلئے ماہیگیروں اورمحکمہ فشریز کی جوائنٹ میٹنگ ضلعی ایڈمنسٹریشن کے زیرنگرانی منعقد کرنےکابھی اعلان کیا، جسےماہیگیروں نے بھرپوراندازمیں خوش آمدید کیا۔
گوادر سنگھارہائوسنگ اسکیم میں پبلک کی انٹری کےایشو پرڈپٹی کمشنر نےکہاکہ تعمیراتی کام پایہ تکمیل تک پہنچنےپرعوام کی تفریح کیلئے سن سیٹ پارک کھول دیا جائیگا۔ انہوں نےکہاکہ سابق کمشنرشھید کیپٹن طارق زیری سے منسوب پارک وی آئی پی شخصیات کیلئے نہیں بلک گوادرکے عوام کیلئے موجودہ حکومت کاتحفہ ہے۔انہوں نے گوادرکےشہریوں اورضلعی انتظامیہ کےمابین روابط کومزیدبہتربنانے کے عزم کا اظہار کرتے ہوئے کہ انکےدفترکےدروازےعوام کی خدمت کیلئے ہمہ وقت کھلے ہیں۔ انثیوں نے کہا کہ گوادرکےبنیادی مسائل ماضی میں حل نہ ہونےکی بنیادی وجہ انتظامیہ اورعوام کےمابین روابط کافقدان رہا ہے۔
ڈپٹی کمشنرگوادر نےکھلی کچہری میں دوردرازساحلی علاقوں سےآئے شرکاء سےخطاب میں کہا کہ گوادر میں سرمایہ کاری کیلئے آنیوالے سرمایہ کاروں کی ضروریات کےمطابق سیف سٹی پراجیکٹ ماسٹر پلان کاحصہ بنا ،گوادرکوعالمی تجارت گیٹ وے اور انٹرنیشنل بزنس سٹی بنانے کے لئے سرمایہ کار آئیں گے،انہیں محفوظ سرمایہ کاری پرقائل کرنے کیلئے انکی کچھ ضروریات پوری کرنی ہونگی، سیف سٹی پراجیکٹ کے تحت گوادرکے مغربی ایریا میں حفاظتی باڈ کی تعمیر سے کوئی روڈ متاثر نہیں ہوگا، شہری آذادی اورلوکل لوگوں کے کاروبار متاثر ہونے کےخدشات میں صداقت نہیں اور نہ ہی کنکریٹ سڑکوں پرفینسنگ لگے گی،گوادرشہرمیں انٹری کے لئے راستے کھلےرہینگے۔
ڈپٹی کمشنر نےکہاکہ گیٹ لگانےکےمقام کی نشاندہی ہم خود کرینگے یہ سب کچھ اس شہرکی ترقی اوریہاں رہنےوالے لوگوں کی جان مال کی سلامتی کیساتھ آنیوالی نسلوں کےمحفوظ مستقبل کی ضامن بنے گی ،انہوں نےکہا کہ مفادعامہ میں سیف سٹی پراجیکٹ میں ترامیم بھی کی جاسکتی ہیں جو دیہی آبادیاں فینسنگ سے متاثر ہونگی انکے لئے کمیٹی کی نشاندہی پر انٹری کے مخصوص مقامات کا تعین کیا جائیگا ،ڈپٹی کمشنر نے کہا کہ حفاظتی باڈ سے دیہی علاقوں کو ترقیاتی منصبوں میں ترجیح نہ دینے کے خدشات بے بنیاد ہیں، گوادرانٹرنیشمل ایئرپورٹ اور کارواٹ کے مقام گوادرانڈسٹریل زون فینسنگ کے حدود سے باہر واقع ہیں گوادکے تمام علاقوں کے تمام علاقوں میں یکساں بنیادوں پر ترقیاتی کام ہونگے۔
کھلی کچہری کی تقریب میں اےڈی سی جنرل انیس طارق ،اے سی گوادر راجہ اطہر عباس گوادرنیشنل پیس کونسل چیئرمین حاجی رہنما ارشدکلمتی نیشنل پارٹی رہنما میرراشرف حسین ،بی این پی جنرل سیکریٹری ماجد سہرابی ،تحریک انصاف کے مولابخش پاکستان پیپلزپارٹی کےاعجازبلوچ اگوادر ریئل اسٹیٹ ایسوسی ایشن وچیمبرآف کامرس کے سابق صدرغلام محمد سمیت بڑی تعداد میں ماہیگیر اتحا د اورسول سوسائٹی اراکین اسپورٹس مین اور علمائے کرام کے علاوہ معذور افراد بھی شریک ہوئے۔
اے پی پی/گوادر/حامد
