اسلام آباد،14جنوری (اے پی پی):وفاقی وزیر برائے منصوبہ بندی ، ترقی اور خصوصی اقدامات اسد عمر کی زیرصدارت کابینہ کمیٹی برائے توانائی کا اجلاس جمعرات کو یہاں اسلام آباد میں منعقد ہوا۔ پاور ڈویژن نے کابینہ کمیٹی پر غور اور جائزہ لینے کے لئے مسابقتی تجارتی باہمی معاہدہ مارکیٹ (سی ٹی بی سی ایم) کا ڈیزائن پیش کیا۔ ڈویژن نے کمیٹی کو اپنے عمل درآمد کے منصوبے سے بھی آگاہ کیا۔
پاور ڈویژن نے کمیٹی کو بتایا کہ پہلے مرحلے میں 1 میگاواٹ یا اس سے زیادہ کے بوجھ والے صارفین مسابقتی مارکیٹ میں حصہ لیں گے۔ یہ صارفین بجلی کی کل فروخت میں تقریبا 16 فیصد نمائندگی کرتے ہیں۔ جب مارکیٹ مستحکم اور پختہ ہوجائے تو مارکیٹ میں مزید صارفین شامل ہوجائیں گے۔ کمیٹی نے سی ٹی بی سی ایم کے ڈیزائن، اصولوں اور عمل درآمد کے منصوبے کی منظوری دے دی۔
پاور ڈویژن نے گردشی قرضوں میں کمی سے متعلق عمل درآمد کی صورتحال پر نظر ثانی کی اور وزارت توانائی کو ہدایت کی کہ وہ اس پروپوزل میں تمام متعلقہ امور شامل کریں اور فیصلے کے لئے ای سی سی کو باقاعدہ تجاویز پیش کرنے کی ہدایت کی ۔
اجلاس میں وزیر برائے توانائی عمر ایوب خان ، وفاقی وزیر اطلاعات و نشریات شبلی فراز ، وزیر داخلہ شیخ رشید احمد ، وزیر اعظم کے مشیر برائے خزانہ عبد الحفیظ شیخ ،وزیراعظم کے مشیر پیٹرولیم ندیم بابر ، وزیر اعظم کے مشیر عبدالرزاق داؤد نے شرکت کی۔اجلاس میں وزارت تجارت و سرمایہ کاری اور مختلف ڈویژنوں کے عہدیدار بھی موجود تھے۔
