اوکاڑہ۔01مارچ (اے پی ہی): ریسکیو1122 اوکاڑہ کی ماہانہ کارکردگی کا جائزہ اجلاس سنٹرل اسٹیشن پر منعقد ہوا جس کی صدارت ڈسٹرکٹ ایمرجنسی آفیسر ظفر اقبال نے کی۔ کنٹرول روم انچارج سلیم مسعود اکبر نے بریفنگ دیتے ہوئے بتایا کہ ریسکیو1122اوکاڑہ کوگزشتہ ماہ کل 47846 کالزموصول ہوئی ہیں جس میں 1968 ایمرجنسی کالز ہیں، 44754غیر متعلقہ اورمس کالز، 721 معلوماتی، 301 رونگ اور 102فیک کالز ہیں۔
ڈسٹرکٹ ایمرجنسی آفیسر ظفر اقبال نے کہا کہ روڈ ٹریفک حادثات میں 719افراد متاثر ہوئے جبکہ142 افراد کو موقع پر ہی ابتدائی طبی امداددی گئی اور 572متاثرین کو طبی امداد دیتے ہوئے ہسپتال میں منتقل کیا گیا۔
انہوں نے کہا کہ آگ لگنے کے 11 واقعات ہوئے جن میں 1کمرشل ایریا، 3رہایشی علاقے جبکہ 7 واقع دیگر ایریا میں پیش آیا، آگ لگنے کی وجوہات میں شارٹ سرکٹ کے واقعات میں ایک شخص زخمی ہوا جس کو ابتدائی طبی امداد فراہم کرتے ہوئے ہسپتال منتقل کر دیا گیا۔
انہوں نے کہا کہ ریسکیو1122 نے آگ لگنے کے واقعات میں بروقت ریسپانس کرتے ہوئے تقریباََ 11میلین کی پراپرٹی کو محفوظ کیا۔فروری میں پیشنٹ ریفرل سسٹم کے تحت ضلع بھرمیں 518 مریضوں کو بہتر طبی امداد کے حصول کیلئے منتقل کیا گیا۔
