اسلام آباد, 24مارچ (اے پی پی):صدر مملکت ڈاکٹر عارف علوی نے ملکی دفاع اور سلامتی کیلئے جرأت، بہادری، شجاعت اور جوانمردی کا مظاہرہ کرتے ہوئے نمایاں کارنامے سرانجام دینے والے پاک فوج کے افسران اور جوانوں کو اعزازات ملٹری سے نوازا ہے۔ اس حوالہ سے بدھ کو ایوان صدر میں پروقار تقریب منعقد کی گئی۔ تقریب میں اعلیٰ عسکری و سول حکام نے شرکت کی۔ صدر مملکت ڈاکٹر عارف علوی نے کرنل مجیب الرحمن شہید ستارہ بسالت بعد از شہادت، کمانڈر سیّد کامران سعید گیلانی، ونگ کمانڈر نعمان اکرم شہید ستارہ بسالت بعد از شہادت، لیفٹیننٹ کمانڈر حماد حسن میکن ستارہ بسالت، لیفٹیننٹ آغا مقدس علی خان شہید ستارہ بسالت بعد از شہادت، حوالدار ناصر محمود شہید ستارہ بسالت بعد از شہادت، نائیک فرہاد حسین مغل شہید ستارہ بسالت بعد از شہادت، لانس نائیک محمد عمران شہید ستارہ بسالت بعد از شہادت، لانس نائیک محمد زاہد شہید ستارہ بسالت بعد از شہادت، نیشنل فورس ٹیکنیشن محمد عباس خان شہید ستارہ بسالت بعد از شہادت، سپاہی محمد شمیم شہید ستارہ بسالت بعد از شہادت اور سوار احسان اﷲ خان شہید کو ستارہ بسالت بعد از شہادت سے نوازا۔ ہلال امتیاز ملٹری حاصل کرنے والوں میں لیفٹیننٹ جنرل نگار جوہر، ایئر مارشل عامر مسعود، میجر جنرل سیّد نصرت رضا، ریئر ایڈمرل اطہر سلیم، ریئر ایڈمرل عدنان خالق، ریئر ایڈمرل احمد فوزان، میجر جنرل طاہر سردار، خورشید محمد اترا، میجر جنرل شہلا ایم بقائی، میجر جنرل وسیم عالمگیر، میجر جنرل محمد اسد قریشی، میجر جنرل کرامت حسین شاہ بخاری، میجر جنرل راسخ مقصود، ایئر وائس مارشل راجہ فہیم شہزاد کیانی، میجر جنرل فرخ سعید، میجر جنرل سیّد نجیب احمد، میجر جنرل خرم انور قادری، میجر جنرل کامران خورشید، میجر جنرل محمد آصف، میجر جنرل ضیاء الرحمن، میجر جنرل زاہد محمود، میجر جنرل محمد ظفر اقبال، میجر جنرل سیّد شہاب شاہد، میجر جنرل اظہر اقبال عباسی، میجر جنرل احمد بلال صفدر، میجر جنرل طارق محمود، میجر جنرل احسن گلریز، میجر جنرل شاہد امتیاز، میجر جنرل عدنان آصف جاہ شاہ، ایئر وائس مارشل حامد رشید رندھاوا، ریئر ایڈمرل جاوید اقبال، میجر جنرل محمد زاہد خان، میجر جنرل غلام جعفر، میجر جنرل محمد افضل، میجر جنرل بابر افتخار، میجر جنرل عرفان، میجر جنرل یوسف جمال، میجر جنرل کاشف نذیر، میجر جنرل احسان محمود خان، میجر جنرل محمد یوسف مجوکہ، میجر جنرل محمد شہباز خان، ریئر ایڈمرل مرزا فواد امین بیگ، ایئر وائس مارشل محمد اطہر شمس، ایئر وائس مارشل ابرار احمد اور ایئر وائس مارشل سبحان نذیر سیّد شامل ہیں۔
