لاہور، اپریل12(اے پی پی): وزیراعلیٰ پنجاب سردار عثمان بزدارسے علماء کرام و مشائخ عظام نے ملاقات کی۔وفد میں وفاقی وزیر مذہبی امورپیر نور الحق قادری،صوبائی وزیر قانون راجہ محمد بشارت اور وزیر اوقاف پیر سید سعید الحسن بھی شامل تھے۔
وزیر اعلی پنجاب سردار عثمان بزدار نے کہا کہ کورونا کے مشکل وقت میں رائے عامہ کے لیڈراپنا کردار ادا کریں – ہیلتھ سسٹم پر کورونا کی وجہ سے دباؤ بڑھ رہاہے لیکن عوامی سطح پر عملدرآمد تسلی بخش نہیں عثمان بزدار نے کہا کہ محراب و منبر کے امین عوام کو کورونا ایس او پیز پر عملدرآمد کی تلقین کریں – جان بچانا فرض ہے، ماسک پہننے اور سماجی فاصلہ اختیار کرنے سے جان بچائی جاسکتی ہے- علماء او ر مشائخ اپنے حلقہ اثر میں ماسک پہننے او ر ویکسینیشن کرانے کی ترغیب دیں
