ملتان، 10اپریل(اے پی پی):ڈسٹرکٹ پرائس کنٹرول کمیٹی نے ماہ رمضان کے موقع پر اشیائے ضروریہ کی نئی قیمتیں مقرر کر دیں، ڈسٹرکٹ پرائس کنٹرول کمیٹی کا اجلاس ڈپٹی کمشنر علی شہزاد کی صدارت میں منعقد ہوا۔
ڈپٹی کمشنر علی شہزاد نے کہا کہ ماہ رمضان کے بابرکت مہینے میں دکاندار صارفین سے جائز منافع وصول کریں اور ضلعی انتظامیہ تاجری برادری کے تعاون سے شہریوں کو ارزاں نرخوں پر اشیاء فراہم کرنا چاہتی ہے۔انہوں نے کہا کہ عوام کو سب سبسیڈائزڈ نرخوں پر اشیائے ضروریہ فراہم کرنے کے لئے ضلع میں11 رمضان بازار لگائے گئے ہیں۔انہوں نے کہا کہ ضلعی انتظامیہ مصنوعی مہنگائی پیدا کرنے کے لئے کسی کو ذخیرہ اندوزی کی اجازت نہیں دے گے۔
علی شہزاد نے کہا کہ پرائس مجسٹریٹس پرائس کنٹرول کمیٹی کے نرخوں پر عملدرآمد یقینی بنائیں گے، پرائس کنٹرول کمیٹی کے فیصلے کے مطابق دال مسور موٹی 125روپے اوردال مونگ دھلی کا نرخ 190 روپے فی کلو مقرر کر دیا گیا ہے اور دال چنا باریک117 روپےدال چنا درمیانی 122روپے فی کلو فروخت ہو گی دال ماش موٹی 246روپے اور دال ماش باریک222 روپے فی کلو میں سیل ہو گی چنا سفید باریک120روپے اور چنا سفید موٹا کا ریٹ132 روپے فی کلو مقرر کیا گیا ہے نیا چاول باسمتی کرنل کچی122روپے چاول باسمتی کرنل پکی 128 روپے فی کلوگرام ہو گا چاول اری سکس60 روپے،سوجی70روپے اور میدہ بھی 70 روپے فی کلو میں فروخت ہو گابیسن123 روپے فی کلو میں صارفین کے لئے دستیاب ہو گا 100 گرام وزن کی تندوری روٹی کا نرخ7 روپے مقرر کیا گیا ہے اور 100گرام سادہ نان 10 روپے اور120 گرام روغنی نان15 روپے میں فروخت کیا جائے گا ڈبل روٹی سادہ وزن 700 گرام کا نرخ 75روپے روپے مقرر کی گئی ہے ڈبل روٹی سادہ وزن 400 گرام کی قیمت50 روپے ہو گی دودھ 75 روپے لٹر اور دہی کا نرخ 85 روپے فی کلو مقرر کیا گیا ہے اور بڑا گوشت410روپے کلو اور چھوٹا گوشت810 روپے کلو میں فروخت ہو گا10 کلوگرام وزن کے آٹے کا تھیلارمضان بازار میں 375 روپے جبکہ اوپن مارکیٹ میں 430 روپے میں فروخت ہو گا اور پھلوں اور سبزیوں کے ریٹ روزانہ کی بنیاد پر مقرر کئے جائیں گے۔
اجلاس میں اے ڈی سی ریونیو محمد طیب خان ، ڈی ایف سی احمد جاوید سمیت تاجر نمائندے فیصل شفیق ، آفاق انصاری اور
صارفین کے نمائندے محمد عمران بھٹی، راؤ ساجد اور محکمہ زراعت،لائیو سٹاک اور مارکیٹ کمیٹی کے افسران بھی شریک تھے۔
