کوئٹہ،23 اپریل (اے پی پی ):وزیراعظم عمران خان کی زیر صدارت کوروناوائرس سے متعلق قومی رابط کمیٹی کا اجلاس منعقد ہوا اجلاس میں وزیراعلی بلوچستان جام کمال خان اجلاس میں بذریعہ ویڈیو لنک شرکت کی اجلاس کووزیراعلی بلوچستان نے کورونا وائرس کی تیسری لہر سے پیدا ہونے والی صورتحال ، صوبے میں کورونا وائرس کے پھیلائو پر قابو پانے کے حوالے سے پیشرفت پر بریفنگ دی اجلاس سے خطاب کرتے ہوئے وزیراعلی نے کہا کہ کووڈ 19 کی تیسری لہر کافی شدید اور خطرناک ہے ہمیں ہسپتالوں میں اکسیجن کی دستیابی کو یقینی بنانا ہوگا بلوچستان میں اس وقت کوئی بھی مریض وینٹی لیٹر پر نہیں ہے۔
وزیراعلی نے کہا کہ این سی او سی کی سفارشات کی روشنی میں تعلیمی ادارے بند ہیں۔ایس او پیز پر سختی سے عملدرآمد کو یقینی بنانا ہوگا اور مساجد میں ایس او پیز پر عملدرآمد اور سماجی فاصلہ برقرار رکھنے کی ضرورت ہے وزیراعلی نے اجلاس کو آگاہ کیا کہ آج سے موثر انداز میں الیکٹرونک میڈیا پر کیمپئن چلائی جانی چاہیے اور ایئر ٹریولنگ کے دوران ویکسی نیشن لازمی قرار دی جائے۔ اجلاس میں صوبائی وزیر داخلہ میر ضیاء اللہ لانگو، چیف سیکرٹری بلوچستان، آئی جی پولیس بلوچستان، وزیراعلی کے پرنسپل سیکرٹری، ایڈیشنل چیف سیکریٹری داخلہ، سمیت اعلی حکام نے شرکت کی _
