وزیراعظم آزاد کشمیر کا جموں کش

مظفرآباد، جون 17(اے پی پی): آزادکشمیر کے وزیر اعظم راجہ فاروق حیدر اتوار کے روز مہاجرین جموں کشمیر سے عید ملنے مانک پیاں مہاجر کیمپ پہنچےجہاں انکا بھر پور استقبال کیا گیا۔ فاروق حیدر نے اپنے خطاب میں کہا کہ اقوام متحدہ میں بھارتی مظالم پر پیش رپورٹ زمینی حقائق کے مطابق ہے۔ انہوں نے کہا کہ آزادکشمیر کے عوام مقبوضہ جموں کشمیر کے عوام کیساتھ ہیں ،  کشمیری مہاجرین جسم و جان کا حصہ ہیں۔   وزیر اعظم آزاد کشمیر نے کہا بھارت مقبوضہ جموں کشمیر میں مظالم بند کرے۔ انہوں نے کہا وہ دن دور نہیں جب مقبوضہ جموں کشمیر کے عوام آزادی کا سانس لیں گے۔ انہوں نے کہا کہ کیمپوں میں تمام بنیادی سہولیات میسر کی جائیں گی اور گزارہ الاونس میں پانچ سو روپے فی نفر ماہانہ اضافہ کیا جاۓ۔ وزیراعظم نے کہا دیگر بنیادی  سہولیات بھی میسر کرنے میں کسر نہیں چھوڑیں گے۔   /وی این ایس اسلام آباد/اے پی پی/ برلاس  

Read more

مقبوضہ کشمیر کے اندر ہندوستانی

    مظفرآباد، جون 16 (اے پی پی): مقبوضہ کشمیر کے اندر ہندوستانی مظالم کے خلاف ہفتہ کے روز وزیراعظم آزادکشمیر کی قیادت میں احتجاجی ریلینکالی گئ۔ ریلی مرکزی عید گاہ سے شروع ہو کر اپراڈہ چوک پر اختتام پذیر  ہوئ۔ ریلی میں ہزاروں افراد نے شرکت کی اور ہندوستان کے خلاف شدید نعرے بازی کی۔ آزادکشمیر کے وزیر اعظم راجہ فاروق حیدر نے کہا کہ پاکستان کےعوام مقبوضہ کشمیر کے بھائیوں کو کبھی تنہا نہیں چھوڑیں گے۔ انہوں نے کہا بھارتی آرمی چیف کا بیان مودی کے موقف کی شکست ہے۔ وزیراعظم آزادکشمیر نے کہایہ کشمیریوں کی انتھک جدوجہد کا نتیجہ ہے کہ بھارتی آرمی چیف بھی کہ رہاہے کہ بات کریں۔ انہوں نے کہا وادی میں صحافیوں وکیلوں نوجوانوں کا قتل عام کیا جارہا ہے جو کے قابلِ مذمت ہے۔ راجہ فاروق حیدر نے کہا حکومت پاکستان اقوام متحدہ کو مقبوضہ کشمیر کے تازہ ترین حالات پر خط لکھے ۔ اور اقوام متحدہ کی سلامتی کونسل کامقبوضہ کشمیر کے حالات پر اجلاس بلایا جاۓ۔ پیپلزپارٹی آزادکشمیر کے صدر چوہدری لطیف اکبر نے کہا آزادکشمیر کی ساری سیاسی جماعتیں تحریک آزادی کشمیر کے معاملے پر ایک ہیں۔ لطیف اکبر نے کہا عید کے دن مقبوضہ کشمیر کے بھائیوں کے دکھ میں برابر کے شریک ہیں ۔ انہوں نے کہاحکومت پاکستان تازہ ترین حالات پر اپنا جاندارکرداراداکرۓ۔   اے پی پی/ برلاس وی این ایس اسلام آباد

Read more