سکھر،31مئی (اے پی پی )پیپلزپارٹی کے مرکزی راہنما سیدخورشید احمد شاہ آمدن سے زائد اثاثہ جات ریفرنس میں احتساب عدالت میں پیش ہوئے،گواہوں کے بیانات قلمبند کرنے کے بعد عدالت نے سماعت 15 جون تک ملتوی کردی۔
رکن قومی اسمبلی سیدخورشید احمدشاہ آمدن سے زائد اثاثہ جات ریفرنس میں احتساب عدالت سکھر میں پیش ہوئے۔انہیں ایمبولینس کے ذریعے این آئی سی وی ڈی ہسپتال سے احتساب عدالت لایا گیا۔صوبائی وزیر سید اویس قادر شاہ اور دیگرنامزد ملزمان بھی عدالت میں پیش ہوئے۔
احتساب عدالت کے جج فریدانور قاضی نے ریفرنس کی سماعت کی۔عدالت نے محکمہ ریونیو کے دو گواہان کے بیانات قلم بند کئے۔جس کے بعد سماعت 15 جون تک ملتوی کردی گئی۔سیدخورشید احمدشاہ ، ان کی دو بیگمات، دو بیٹوں اور داماد سمیت 18 افراد کے خلاف ایک ارب 24 کروڑ کے آمدن سے زائداثاثہ جات بنانے کا ریفرنس دائرہے۔
